யார் சுகவாசி?

மூச்சு இரைக்காமல் மாடிப்படிகளில் லாவகமாக ஏற முடிந்தவர்

தொடர்ந்து உடற்பயிற்சி செய்து வருபவர்களால் மட்டுமே முடியக்கூடியது இது.வயிறு பெருத்தால் வாழ்வு சுருங்கும்.அதுபோல தொப்பையுள்ளவர்களால் மூச்சு இரைக்காமல் மாடிப்படி ஏறமுடியாது.  எனவே வயிறு சுருங்கி இருத்தல் வேண்டும்.  (உணவிலும் தோற்றத்திலும்).

சம்மணம் போட்டு அமர்ந்து உண்பவர்

நாகரீகத்தின் தாக்கம் வீடுகள் தோறும் சாப்பாட்டு மேசை. சாப்பாட்டு மேசையில் ஆண்டுக்கணக்கில் சாப்பிடுபவர்களுக்கு மூட்டுகள் மடங்குவது சிரமம்.  எனவே மூட்டுவலி நிச்சயம் இருக்கும்.  இவர்கள் தரையில் அமர்ந்து சம்மணம் போட்டு சாப்பிட்டு (வர வேண்டும்) வந்தால் மூட்டு வலி போயோ போச்!

காலையில் பழைய சோறு சாப்பிட முடிந்தவர்

ஆம்! பழையமுதும், நீராகாரமும் உடலுக்குச் சத்தானதும், உடலை வளர்க்கக் கூடியதும் ஆகும்.  அதுவும் அளவோடு உண்ண வேண்டும்.  கூடவே வெங்காயம் தொட்டுக் கொள்பவர்கள் கொடுத்துவைத்தவர்கள்.

ஆற்று நீர் வாதம் போக்கும்; அருவி நீர் பித்தம் போக்கும்.
சோற்று நீர் இரண்டையும் போக்கும்.

புலால் உணவு, எண்ணெயில் பொரித்தவை, கோலா பானங்கள், பிளாஸ்டிக் பைகளில்/பாட்டில்களில் விற்கப்படும் தண்ணீர், ஐஸ் உணவுகள், ஃபிரிட்ஜ் இவைகளை தவிர்த்து/ஒதுக்கி வாழ்பவர். 

      உணவு தூய்மையானால் அறிவு தூய்மையாகும்
      அறிவு தூய்மையானால் நினைவு தூய்மையாகும்
      நினைவு தூய்மையானால் எல்லாத் துன்ப முடிச்சுகளும் விலகும்!

புலால் உணவு

மனித உடலமைப்பு, பற்கள், உணவுக்குழாய், மலப்பாதை இவையெல்லாம் மென்மையான உணவுகளை உண்ணவும்/செரிக்கவும், கழிவுகளை அகற்றவும் ஏற்றவாறு அமைந்துள்ளது. புலால் உணவுகள் மெல்லுவதற்கும், பின்பு அவை செரிமானம் ஆவதற்கும் கடினமானவை.  மலச்சிக்கலை உண்டு பண்ணுபவை.  எனவே, உடலுக்கு ஒவ்வாத புலால் உணவுகளை அறவே ஒதுக்க வேண்டும்.

எண்ணெயில் பொரித்தவை

எண்ணெயில் பொரிக்கப்படும் பண்டங்கள் செரிமானக் கோளாறை ஏற்படுத்தும்.  மேலும், செரிமான நீரை உற்பத்தி செய்யும் திறனையும் எண்ணெய் பொருள்கள் தடுத்துவிடும்.

குளிர் பானங்கள்

மிகக் குறைந்த செலவில் உற்பத்தி செய்துமிக அதிக விலைக்கு விற்பனையாகும் பானங்கள் இவை.  தூய்மையற்ற குடிநீரும், உடலுக்குத் தீங்கிழைக்கும் இரசாயனக் கலவைகளைக் கொண்டது.

குடிநீர்

தரமற்ற குடிநீரை, அசுத்தக் கிருமிகள் அடங்கிய குடிநீரை பயன்படுத்துதல் கூடாது.  இதனால் வயிற்றுப்போக்கு, மஞ்சள்காமாலை போன்ற நோய்கள் ஏற்படும்.

ஐஸ் பொருள்கள்

இவற்றிலும் நச்சுக் கிருமிகள் உற்பத்தியாகி நம் உடலுக்கும், குடலுக்கும் தீங்கு விளைவிக்கும்.  குழந்தைகள் விரும்பி உண்பதால் தொண்டைச் சதைவளர்ச்சி ஏற்பட்டு அவர்களுக்கு துன்பம் விளைக்கும்..

குளிர்சாதனப்பெட்டி

இதனை சவப்பெட்டி என்கிறது இயற்கை மருத்துவம். ஏனெனில் மீதூண் விரும்பேல் என்ற முதுமொழிக்கு மாறாக, மீதமாகும் உணவுப் பொருள்களை இதில் வைத்தே சாப்பிடுகின்றார்கள்.  எனவே அவை செத்த உணவாகக் கருதப்பட வேண்டும்.

மூன்று பெட்டிகள் நமக்குத் தேவையில்லாதவை :
Fridge: சவப்பெட்டி
Television: முட்டாள் பெட்டி
Washing Machine: சோம்பேறிப் பெட்டி.

காலா காலத்தில் உறங்கச் செல்பவர்

உறக்கம் மனிதர்களுக்கு கிடைத்த வரம்.  படுத்தவுடன் கண் மூடியவுடன் தூங்க முடிந்தவர் அதிர்ஷ்டக்காரர். அப்படித் தூங்க வேண்டுமானால் உடல், மனம், எண்ணம் இவைகளைச் சீராக வைத்துக் கொள்ளுதல் வேண்டும்.  

அவாவின்மை, உடற்பயிற்சி அல்லது உடலுழைப்பு, நற்சிந்தனைகள், ஒத்தும் உதவியும் வாழும் உளப்பாங்கு இவை இருந்தால் உறக்கம் தானே ஓடி வரும்.

காலை மாலை மலம் கழிப்பவர் 

நாம் யாரிடமும் கடன் வாங்க வில்லையா? நாம் தான் ஒரு லட்சாதிபதி. நாம் மலச்சிக்கலின்றி வாழ்கிறாறோ? நாம் தான் ஒரு கோடீஸ்வரர். ஆம்!  அன்றாடம் மலம் கழிவது உடல் ஆரோக்கியத்தின் அறிகுறியாகும். மலச்சிக்கல் பல சிக்கலைக் கொண்டு வரும்.  எனவே, அன்றாடம் காலை/மாலை அல்லது ஒரு வேளை கண்டிப்பாக மலங்கழிக்கும் வழக்கத்தை ஏற்படுத்திக் கொள்ள வேண்டும்.  மூன்று வேளை மூக்குப் பிடிக்கச் சாப்பிட்டு விட்டு ஒரு முறையாவது மலம் கழிக்க வேண்டாமா?

ருசிக்கு உண்ணாமல் பசிக்கு உண்பவர்

திருவள்ளுவர் மருந்து என்ற அதிகாரத்தின் 10 குறள்களிலும் உணவே மருந்து என்பதை அறிவுறுத்துகிறார்.

      அற்றது அறிந்து கடைப்பிடித்து மாறல்ல
      துய்க்க துவரப் பசித்து -குறள் : 944

பசி வயிற்றைக் கிள்ளுகிறது என்போம். உணவின் சுவை கூடக் கூட அளவின்றி சாப்பிடத் தோன்றும். அளவு மீறினால் அமுதமும் நஞ்சாகும் அல்லவா?  எனவே ருசி பார்த்து உண்ணாமல், நன்றாகப் பசித்த பிறகு அளவோடு உண்ண வேண்டும்.  நாக்குக்கு அடிமையானால், நலம் கெட்டு நடை பிணமாவோம்.  துணை உணவுகளான சாம்பார், ரசம், மோர்க்குழம்பு, தொடுகறிகளை தவிர்த்தால் அளவாகச் சாப்பிட ஏதுவாகும். 

மாதம் இருநாள் உண்ணா நோன்பு இருப்பவர்

நம் உடல் என்னும் இயந்திரம் சலிக்காமல் தொடர்ந்து உழைத்து வருகிறது.  நாம் பயன்படுத்தும் மிதிவண்ட, மோட்டார் சைக்கிள், கார் போன்ற இயந்திரங்களுக்கு ஓவர்ஹாலிங் (Overhauling) செய்வது போல உடலுக்கும், உள் உறுப்புகளுக்கும் ஓய்வு தேவையல்லவா?  எனவே, மாதமிருமுறை உண்ணா நோன்பு இருக்க வேண்டும்.  நீரைக் குடித்தவாறோ அல்லது சாற்றைக் குடித்தவாறோ உண்ணா நோன்பு இருக்கலாம்.

சினம் தவிர்த்து, பிறர் குற்றம் மன்னித்து மறந்து, அன்பு, பொறுமை, கற்பு,  அடக்க ஒழுக்கம் போன்ற குணங்களை பின் பற்றி வாழ முடிந்தவர்கள் தான் சுகவாசி எனப்படுவர். 

            இருக்கும் வரை சுகவாசி!
            அன்றாடம் நீ யோசி!!
            இதை இறக்கும் வரை நீ விசுவாசி!!!

இந்தப் பதிவினை அனுப்பிய திரு மா.உலகநாதன் அவர்களுக்கு என் நன்றி: 

அவரது முகவரி:
மா. உலகநாதன்,
முனைவர் பட்ட ஆய்வாளர்
இணைச்செயலாளர்
ஆடுதுறை இயற்கை மருத்துவ சங்கம்
திருநீலக்குடி.
செல் : 9442902334
இ.மெயில்: worldnath_131149@yahoo.co.in

நலவாழ்வு நாடுவோர் நலம் வேண்டி வெளியிடுபவர்:
அஷ்வின்ஜி,
வாழி நலம் சூழ.

நடை பயின்றால் எடை குறையும்.

நடைப்பயிற்சியைப் போல் சிறப்பான உடற்பயிற்சி இல்லை என்று சொல்லுவார்கள். அதுவும் சர்க்கரை நோயாளிகள், இரத்த அழுத்தம் அதிகமுள்ளவர்கள், உடல் எடை அதிகமுள்ளவர்கள் ஆகியோருக்கு இது மிகவும் சிறந்தது. 

தற்போது நடக்கும்போது இரண்டு கைகளிலும் அரைக்கிலோ அல்லது கால்கிலோ மணல் மூட்டைகளை தூக்கிக்கொண்டு நடந்தால் தசைகளுக்கு நல்ல பயிற்சி கிடைக்கும். மேலும் நீண்டதூரம் நடப்பதைவிட குறைவான தூரத்திலேயே அதிக கலோரி செலவாகி எடை குறைப்பு, சர்க்கரை குறைப்பு ஆகியவற்றை எளிதில் செயல்படுத்த முடியும்.

ஆயினும் இதய நோயாளிகள்,மூட்டுவலி, மூட்டுப்பிடிப்பு, காலில் புண் உள்ளவர்கள் மருத்துவரிடம் கலந்தாலோசித்த பின்பே இதனைச் செய்யலாம்.

இன்றைய இளைஞர்கள் அடிக்கடி வேலை நிமித்தம் வெளியில் சென்று கொண்டிருப்பதால் தினசரி இரண்டு அல்லது சில நேரங்களில் மூன்று வேளையும் வெளியில் சாப்பிடுகிறார்கள். அப்படிச் சாப்பிடுபவர்களுக்கு குடும்பத்தில் சர்க்கரை நோய் இல்லாவிட்டாலும்ர சர்க்கரை நோய் இளமையிலேயே வரும் வாய்ப்புகள் அதிகமாக உள்ளது.

வெளியில் சாப்பிடும் உணவில் குறைந்த நார்ச்சத்து, அதிக மாவுச்சத்து, அதிக உப்பு, அதிக மசாலா, அதிக எண்ணைக் கொழுப்பு ஆகியவை உள்ளன.  

அதேபோல் சக்கரை நோயாளிகளுக்கு இட்லி,தோசை செய்யும்போது உளுந்து அதிகமாகவும், அரிசி குறைவாகவும் போடவேண்டும். ஆனால் உணவகங்களில் அரிசி அதிகம் போடுவார்கள். அதேபோல் சாம்பாரில் சர்க்கரை, பரோட்டாவில் மாட்டுக் கொழுப்பு, சப்பாத்தி மாவில் வாழைப்பழம் போன்றவை சேர்ப்பதாலேயே உடல் எடை அதிகரித்தல், சர்க்கரை கூடுதல் ஆகியவை ஏற்படுகின்றன!!

நன்றி : தமிழ்த்துளி http://abidheva.blogspot.com/2010/02/blog-post_18.html

கட்டுப்படுத்த முடியாத சர்க்கரையா?

100% சக்கரையைக் கட்டுப்பாட்டில் வைத்திருக்க முடியுமா? 

இது ஒரு மில்லியன் டாலர் கேள்வி.

பொதுவாகவே மருத்துவருக்கும் நோயாளிக்கும் இடையில் ஒரு இடைவெளி உண்டு. அதாவது, மருத்துவர் உணவு இப்படியெல்லாம் சாப்பிடவேண்டும் என்று ஒரு கதைபோல் சொல்லுவார். நோயாளியும் வெகு சிரத்தையுடன் கேட்டுக் கொண்டிருந்துவிட்டு வீட்டுக்கு வருவார். அவர் சொன்னதில் பாதிதான் நோயாளிக்குப் புரிந்திருக்கும்.

மருத்துவரைச் சந்தித்து நான்கு நாட்கள் கழித்து யோசித்தால் அதிலும் பாதி மறந்து போய் இருக்கும். இந்த இடைவெளியை நிரப்புவதில்தான் சக்கரையைக் குறைப்பதற்கான சூட்சுமம் இருக்கிறது.

இந்த சூட்சுமத்தைப் புரிந்துகொள்வதற்கு முன் நாம் உணவின் சத்துக் குறிப்பீடு பற்றி அறியவேண்டும். நாம் உண்ணும் உணவுகளில் இத்தனை கிராமுக்கு இவ்வளவு சத்துக்கள் உள்ளன என்ற அளவுதான் அது.

ஏன் இது முக்கியம் என்று கேட்கிறீர்களா? மருத்துவர் மதியம் ஒரு கப் சாதம் அல்லது ஒரு பிளேட் சாதம் சாப்பிடுங்கள் என்று கூறுவார். ஆனால் எவ்வளவு பெரிய கப், எவ்வளவு பெரிய தட்டு என்று அளவு தெரியாது.

உதாரணத்துக்கு கார்த்தி, ஸ்ரீதர்,அன்பு என்று மூன்று பேர் வீட்டிலிருந்து அவர்கள் சாப்பிடும் தட்டைபோய்ப் பார்த்தால் கார்த்தியின் தட்டு பெரிதாகவும் ஸ்ரீதரின் தட்டு நடுத்தரமாகவும் அன்புவின் தட்டு சிறியதாகவும் இருக்கும்.(ஒரு குத்து மதிப்பாகக் சொல்கிறேன்!!)

அதே போல் கப்பின் அளவும் வீட்டுக்கு வீடு மாறுபடும். இது போல் இட்லி.தோசை சப்பாத்தி ஆகியவற்றின் எடை, அளவுபற்றி நாம் சொல்லவேண்டியதில்லை. இதற்கு என்ன செய்யவேண்டும்?

உண்வை எடைபோட்டுச் சாப்பிடவேண்டும்! சக்கரை நோயாளிகள் அனைவரும் இப்படித்தான் செய்ய வேண்டுமா? என்றால் எல்லோரும் செய்தால் நல்லதுதான்.

ஆனால் யாருக்கு இத்தகைய கட்டுப்பாடு மிகவும் அவசியம்?

1.உடல் எடை குறையாமல் இருப்போர்

2.இன்சுலினைக் குறைக்க விரும்புவோர்

3.இன்சுலினிலிருந்து மாத்திரைக்கு மாற விரும்புவோர்

4.சக்கரை கட்டுப்பாட்டில் இல்லாதோர்

 5.சக்கரை நோயின் பக்கவிளைவுகளால் பாதிக்கப்படுவோர்

6.எச்.பி.ஏ.1.சி-இரத்தப் பா¢சோதனை-7%க்கு மேல் உள்ளோர்.

எப்படி, எவ்வளவு எடைபோட்டு சாப்பிடவேண்டும் என்று பார்ப்போம்.

காலை டிபன்-150 கிராம்

மதியம்-250 கிராம் சாதம், இரவு-150 கிராம் டிபனுடன் 100 கிராம் பழங்கள்,100கிராம் சுண்டல்
மூன்று வேளையும் 200கிராம் காய்கறிகள் சேர்த்துக்கொள்ளவேண்டும்.

இதற்கு அவசியம் ஒரு நிறுக்கும் தராசு வேண்டும்.

அதே போல் தினமும் எடை போடவேண்டும். இப்படி எடை போட்டு சாப்பிட்டு வீட்டிலேயே சுய பரிசோதனைக்கருவி மூலம் இரத்த சக்கரை அளவைக் கணித்து அதன் படி உணவின் அளவை மாற்றிக்கொள்ளலாம்.

நினைவில் கொள்ளவும்- சக்கரை 24 மணி நேரமும் சரியான அளவு இருந்தால்தான் சக்கரை வியாதியின் பின் விளைவுகளிலிருந்து தப்பிக்க முடியும்.

நன்றி: தமிழ்த்துளி வலைப்பூ. செல்க : http://abidheva.blogspot.com/2009/11/blog-post_21.html

எனது கருத்துக்கள்:
இயற்கை நலவாழ்வியல் தத்துவங்களைப் பின்பற்றுவதின் மூலமும் சர்க்கரை அளவை வெகுவாகக் குறைக்கலாம்.

காக்கும் கடவுள் கணபதி பாதம் பணிவோம்...

ஐந்து கரத்தனை ஆனை முகத்தனை

இந்தின் இளம்பிறை போலுமெயிற்றனை 

நந்தி மகன்றனை ஞானக் கொழுந்தினை 

புந்தியில் வைத்தடி போற்றுகின்றனே.

                                                     -திருமந்திரம்.

கணேச சரணம்.

சரணம் கணேசா.

அஷ்வின்ஜி.

ரமலான் ஸ்பெஷல். - நோன்பின் மகத்துவம்.

வணக்கம் அன்பர்களே. 

நோன்பு நோற்றலின் மகத்துவம் எல்லா மதங்களுக்கும் பொதுவானது. உடல், மனம், ஆத்மாவினை சுத்திகரிக்க நோன்பு பயன்படுகிறது. இந்து மதத்தின் மாதம் ஒருமுறை நோன்பில் இருந்து துவங்கி வாரக்கணக்கில், மாதக்கணக்கில், மற்றும் மண்டலக் கணக்கில் எல்லாம் நோன்புகள் உள்ளன. கிறிஸ்துவ மதத்திலும் லெண்ட் நோன்பு உள்ளது. 

ஜைனர்கள், பௌத்தர்கள் என்று அனைத்து மதத்தினருக்கும் நோன்பு நோற்றல் ஒரு ஆன்மீகக் கடமையாக உள்ளது. அதுபோலவே இஸ்லாமிய சகோதரர்களும் ரமலான் மாதத்தில் நோன்பு இருந்து உடல், மனம், ஆன்மாவை சுத்திகரித்துக் கொள்கிறார்கள். 

கீழே உள்ள கட்டுரையை ஓரிரு ஆண்டுகளுக்கு முன்னர் இணையத்தில் ராஜகிரி பைத்துல்மால் என்கிற வலைப்பூவில் படித்தேன். அதில் இருந்து நோன்பின் மகத்துவ பற்றிய சில முக்கியமான பகுதிகளை மீள்பதிவாக உங்களிடம் பகிர்ந்து கொள்வதில் மகிழ்கிறேன்.  கட்டுரையை முழுமையாக படிக்க வலைப்பூவிற்கு செல்லவும்.

இஸ்லாமிய சகோதர சகோதரிகளுக்கு எனது ரமலான் வாழ்த்துக்கள்.

நோன்பு மிகச்சிறந்த இயற்கை மருத்துவம்

இஸ்லாத்தின் அடிப்படைக் கொள்கையான ஐம்பெருங்கடமைகள் – கலிமா, தொழுகை, நோன்பு, ஸகாத், ஹஜ் – மனிதகுலத்தின் ஒருமைப்பாடு, சமத்துவம், சகோதரத்துவம், உலக அமைதி, பொருளாதாரப் பங்கீடு ஆகியவற்றின் திறவுகோலாக உள்ளன. மறுமை வாழ்வு, நீதித் திருநாள், கேள்வி கணக்கு சுவனம் என்பன பற்றி மனிதனுக்கு அறிவுறுத்தி நல்வழிப்படுத்துவதற்கு உதவுவதாக திருமறையும், திருநபி (ஸல்) அவர்களின் வாழ்வும் வாக்கும் அமைந் துள்ளன. இவற்றில் மூன்றாவது கடமையான ரமளான் நோன்பு பற்றி சற்று விரிவாகப் பார்ப்போம். ரமளான் என்ற சொல் கரித்தல், சுட்டெரித்தல் என்ற பொருள் கொண்டது. விறகை தீ எரிப்பது போல நோன்பு பாவங்களை எரித்து விடுகிறது என்பதால் நோன்பு கடமையாக்கப்பட்ட இஸ்லாமிய ஆண்டின் ஒன்பதாவது மாதம் ரமளான் என்றழைக்கப்படுகிறது. இம் மாதத்தை அல்லாஹ்வின் மாதம், பொறுமையின் மாதம், ஈகையின் மாதம் என நபி (ஸல்) அவர்கள் புகழ்ந்து கூறியுள்ளார்கள்.

முந்திய சமுதாயத்தவர்களுக்கு விதிக்கப்பட்டது போல, நபி (ஸல்) அவர்களின் சமுதாயத்தினருக்கு நோன்பு விதிக்கப்பட்டு, ரமளான் மாதம் பகற்பொழுதில் நோன்பு நோற்பதைக் கடமையாக்கப்பட்டுள்ளது. அதன் மூலம் பரிசுத்தவான்களாகலாம் (2:183,185) என வான்மறை விளக்குகிறது.

நபிமார்களுக்கு வழங்கப்பட்ட ’ஸுஹுபுகள்’ என்ற வேதக்கட்டளைகளும், தவ்ராத், ஸபூர், இன்ஜீல், திருக்குர்ஆன் ஆகிய நான்கு வேதங்களும் வழங்கப்பட்ட புனித மாதமாக ரமளான் அமைந்துள்ளது. மனிதர்களுக்கு நேர்வழியைக் காட்டி நன்மை, தீமைகளைப் பிரித்தறிவிக்கும் திருக்குர்ஆன் அருளப்பட்ட மாதமாக ரமளான் இருப்பதால், அம்மாதத்தை கடமையான நோன்பு நோற்கும் காலமாக அல்லாஹ் அறிவித்துள்ளான். (2:185) ஹிஜ்ரி 2ம் வருடம் முதல் ரமளான் நோன்பு கட்டாயக் கடமையாக்கப்பட்டது.

உணவு, தண்ணீர், உடல் இச்சை ஆகியவற்றை பகற்காலங்களில் தவிர்ப்பது என்பது மட்டும் நோன்பின் நோக்கமல்ல. நோன்பு நோற்றிருக்கும் போது பொய், புறம் பேசுவது, தீய பார்வை, தீயன கேட்டல், தீய உணர்வுகள் ஆகியவற்றை விலக்கி வைப்பதும் கட்டாயமாகும். இதனைத் தவிர்க்காமல் உணவையும் பானத்தையும் விட்டிருப்பதால் அல்லாஹ்வுக்கு எவ்விதத் தேவையுமில்லை என நபி (ஸல்) அவர்கள் கூறியுள்ளார்கள். 

ஒரு மாத நோன்பு, உடற்கழிவுகளை நீக்கி, இரைப்பை, குடல் முதலியனவற்றைப் புதுப்பிக்கிறது. அவற்றின் பணிகள் சிறக்க உதவுகின்றன. உடல் பருமன் குறைவதற்கு வழியேற்பட்டு இரத்தக்கொதிப்பு, இதய நோய்கள் போன்றவை தாக்காமல் உடல் காக்கப்படுகிறது,

உணர்வுகள் கட்டுப்படுத்தப்பட்டு மிருக உணர்வுகள் களைந்தெறியப்படுகின்றன. உணவு, பானம், உறக்கம் ஆகியவற்றில் ஒழுக்கத்தையும் கட்டுப்பாட்டையும் தோற்றுவிக்கிறது. நோன்பு நோற்பவரின் உள்ளத்தில் உயர்ந்த இறையுணர்வைத் தூண்டுகிறது. அல்லாஹ்வின் அன்பைப் பெற்றுத் தருகிறது.

வீண்பேச்சு, பொய், புறங்கூறல், சண்டை–சச்சரவு, காமப் பார்வை முதலியனவற்றைத் தடுத்து, ஒழுக்க உணர்வுகளைப் பரிணமிக்க செய்வதால் நோன்பு ஒரு கேடயம் என நபி (ஸல்) அவர்கள் கூறினார்கள்.

’பசித்திருத்தல் ஓர் அருமருந்து’ (லங்கனம் பரம ஒளஷதம்) என்பது முதுமொழி.

தனித்திருப்பதும் பசித்திருப்பதும் விழித்திருப்பதும் ஆன்மீக உயர்வுக்கு வழிகாட்ட வல்லன. பிராணிகள் நோயுற்றால் இறை தின்ன மறுத்து விடுகின்றன. விரைவாக நலம் பெற அது உதவுகிறது. மனிதனுக்கும் அது பொருந்தும். ஏனெனில் வயிறு ஒரு கெட்ட பாத்திரம். உடல் நோய்களுக்கு அதுவே காரணமாகி விடுகிறது.

‘வயிறு நலமுடன் பேணப்பட்டால் உடல் நலமும் பேணப்படுகிறது’ என்பது நபிமொழியாகும்.(பைஹகீ) “ நம்பிக்கையாளர் ஒரு வயிற்றில் உண்ணுகிறார். இறைமறுப்பாளர் ஏழு வயிற்றில் உண்ணுகிறார்” என்பதும் நபிமொழி (திர்மிதீ) அதாவது அளவுக்கதிகமாக உண்ணுகிறார் என்பது கருத்து.

“உண்ணும்பொழுது வயிற்றில் மூன்றில் ஒரு பகுதி உணவுக்கும். மற்றொரு பகுதி தண்ணீருக்கும், இன்னொரு பகுதி காலியாகவும் இருக்கட்டும்” என்பது நபிமொழியாகும் (திர்மிதீ) அதுவே உணவின் அளவாகும்.

“உண்ணுங்கள், பருகுங்கள், மிதமிஞ்சி விடாதீர்கள் (குர்ஆன் 7:31) என்ற மாமறையின் வழியைப் பின்பற்றி வாழ்ந்த வழிகாட்டிகளான பெரு நபித்தோழர்கள் நோயற்றவர்களாக வாழ்ந்திருந்தனர் என வரலாறு பதித்திருக்கிறது. அளவின்றி உணவுண்டு, உடல் பருத்து விடுவதே பெரும்பாலான நோய்களுக்குக் காரணமாகி விடுகிறது

எனவே பசித்திருப்பதும் பசித்த பின்பே உண்ணுவதும் நலம் தரும் செயற்களாகும். ஏனெனில் நோன்பு என்ற நற்செயல் உடலுக்கு மிகுந்த நலனை வழங்குகிறது. 

“நோயுற்றவரிடமிருந்து உணவை நீக்கி விடுங்கள். இப்பொழுது பட்டினி கிடப்பது நோயுற்றவர் அல்ல; அவருடைய நோயே” என அமெரிக்க மருத்துவர் டியூவே கூறுகிறார்.

மற்றொரு அமெரிக்க மருத்துவர் டாக்டர் எல்ஸன் எம். ஹாஸ் என்பவர் கூறுகிறார் (நோய்த் தடுப்பு மையத்தின் இயக்குநர்) 

“நோன்பு மிகச்சிறந்த இயற்கை மருத்துவம். மிகத் தொன்மையான உலகளாவிய நோய் நிவாரணி. 15 வருடங்களுக்கு முன்பு நான் நோயுற்ற பொழுது உணவைத் தவிர்த்திருந்ததே என் உடல் நலம் தேற உதவியது எனக் கண்டுபிடித்தேன். புதிய சக்தி உடலில் பாய்வதை உணர்ந்தேன். உடலியக்கத்தில் ஓர் உத்வேகம் பளிச்சிடுவதையும் உணர்ந்து கொண்டேன். நலம் தரும் நோன்பு பல நோய்களைத் தடுக்கிறது” மேலும் கூறுகிறார்.

“அமெரிக்கார்களின் பெரும்பாலான நோய்களுக்குக் காரணம் உணவுக் கட்டுப்பாடு இல்லாததேயாகும். நோன்பு என்பதே அவர்களுக்குத் தெரியாத ஒன்றாகும். உயர் இரத்த அழுத்தம், மாரடைப்பு, சர்க்கரை நோய் முதலியன தோன்றுவதற்கு உணவுக் கட்டுப்பாடின்மையே காரணமாகும். நோன்பு இவற்றைத் தடுக்கும் கருவியாக உள்ளது.”

“நோன்பு உடல் கழிவுகளை நீக்க உதவுகிறது. தசைகளுக்கு வலுவூட்டுகிறது. உடலியக்கத்தை சமநிலைப்படுத்துகிறது.”

“பல மணிநேரம் பசித்திருப்பதன் மூலம் உடற் செல்கள் புத்துணர்வு பெறுகின்றன. சிதைவுகள் சீர் செய்யப்படுகின்றன. ஆகவே தான் மனித குலம் தோன்றியதிலிருந்து ஏதாவதொரு வகையில் நோன்பு நோற்பது பின்பற்றப்பட்டு வந்துள்ளது.”

அனைத்தையும் அறிந்த அல்லாஹ், ரமளான் மாதத்தில் ஒரு மாத காலம் நோன்பு நோற்பதைக் கடமையாக்கி, நம் உடல் நலம் பேண உதவி செய்துள்ளான் என்பதை நாம் கருத்தில் கொள்ள வேண்டும். நற்செயல்களுக்கு நன்மை வழங்கப்படுகிறது. ஆனால் நோன்பாளிக்கு அல்லாஹ்வே நன்மை வழங்குகிறான். “நோன்பு எனக்காக நோற்கப் படுகிறது அதற்கு நானே கூலி வழங்குகிறேன்” என அல்லாஹ் கூறுகிறான் ‘ரய்யான்’ என்ற தனி சுவனமே நோன்பாளிகளுக்கு மட்டும் காத்திருக்கிறது.

நன்றி: ராஜகிரி பைத்துல்மால் வலைப்பூ.

மொரார்ஜி தேசாயின் இயற்கை நலவாழ்வியல்.

முன்னாள் பிரதமர் மொரார்ஜி தேசாய் 1983ல் ஒரு பத்திரிகைக்கு அளித்த பேட்டியை சமீபத்தில் படித்தேன்.

 மொரார்ஜி தேசாய்

அவரது பேட்டி இதோ—

மொரார்ஜி: உயிரே போனாலும் நான் புலால் உணவைச் சாப்பிட மாட்டேன்; தடுப்பு ஊசி போட்டுக் கொள்ள மாட்டேன். நான் சென்ற எல்லா நாடுகளிலும் இவ்விஷயத்தில் எனக்கு விதி விலக்கு தரப்பட்டது.

கேள்வி: அப்படியென்றால் நீங்கள் வெளிநாடுகளுக்குச் சென்ற போது, அதைப் பற்றிய தஸ்தாவேஜுகளை உடன் எடுத்து செல்லவில்லையா?

மொ: ஒருபோதும் இல்லை. சின்ன வயதில் எனக்கு தடுப்பு ஊசி போடப்பட்டது. அதன் பிறகு, இயற்கை முறை சிகிச்சை தான். என்னுடைய குழந்தைகளுக்குக் கூட நான் தடுப்பு ஊசி போட்டதில்லை.

கே: மருந்து, மாத்திரைகள்?

மொ: "அலோபதி' மருந்துகளை நான் சாப்பிடுவதில்லை; சில சமயங்களில் ஆயுர்வேத மருந்துகளை சாப்பிடுவேன்.

கே: மலைப் பிரதேசங்கள் போன்ற உயரமான இடங்களில் உள்ள நம் ராணுவ வீரர்கள் சண்டையிட, மது அவசியம் தேவை என்று சொல்கின்றனரே...

மொ: இது சுத்த ஹம்பக் - முற்றிலும் தவறு. எவரெஸ்ட் சிகரத்தில் ஏறியவர்கள் மது அருந்தவில்லை. அவர்கள் மது அருந்தியிருந்தால் எவரெஸ்ட்டில் ஏறியிருக்க முடியாது. தென் துருவத்திற்கும், வட துருவத்திற்கும் சாகசப் பயணம் சென்றவர்களும் மதுவைத் தொடவில்லை; தொட்டிருந்தால் இறந்திருப்பர்.

கே: குளிரை சமாளிக்க ரஷ்யர்கள், "ஓட்கா' அருந்துகின்றனரே?

மொ: அவர்கள் அப்படிப் பழக்கப்படுத்திக் கொண்டனர். 1955ல் ரஷ்ய அதிபர் குருஷேவும், புல்காணினும் இந்தியாவுக்கு வந்த போது, பம்பாயில் மதுவிலக்கு அமலில் இருந்ததை என்னிடம் பாராட்டினர்.

கே: உங்கள் தினசரி வாழ்க்கை எப்படித் துவங்குகிறது?

மொ: காலை, 4:00 மணிக்கு எழுந்திருப்பேன். டாய்லெட் செல்வேன்; குளிப்பேன். இதற்கே ஒரு மணி நேரம் பிடிக்கும். பிறகு, பிரார்த்தனை செய்வேன். காலை உணவு நான் சாப்பிடுவதில்லை. தினசரி இரண்டு வேளை தான் நான் சாப்பிடுவேன். அறுபது வயதிற்குப் பிறகு, ஒருநாளைக்கு ஒரு முறை தான் உண்ண வேண்டும். 45 வயதிற்குப் பிறகு, ஒரு நாளைக்கு இரண்டு முறை சாப்பிட்டால் போதும். நான் வெறும் பாலும், பழமும் சாப்பிடுவதால், ஒரு நாளைக்கு, இரண்டு வேளை சாப்பிடுகிறேன். பசும்பால் தான் சாப்பிடுவேன். அந்தந்த சீசனில் கிடைக்கும் எல்லாப் பழங்களையும் சாப்பிடுவேன். ஏனென்றால், இவை எளிதில் ஜீரணமாகும். காலை, 9:45 மணிக்கு பகலுணவு சாப்பிடுகிறேன். மாலை, 6:45க்கு இரவு உணவு.

கே: இந்த மாதிரி உணவுக்கு எப்போது மாறினீர்கள்?

மொ: ஜூன் 26,1975லிருந்து... அதாவது, நெருக்கடி நிலைமையை ஒட்டி என்னை சிறையில் வைத்த நாளிலிருந்து.

நன்றி  தினமலர் வாரமலர்.

இயற்கை உணவே

நோய் தீர்க்கும் மருந்து. 

குலசேகரன் பட்டினம் 

இயற்கை நலவாழ்வு மையத்தால் 

நடத்தப்படும் 

ஒரு வார இயற்கை மருத்துவ முகாம்

நாள்:- 26-09-2011 to 02-10-2011 

நடைபெறும் இடம்: இயற்கை வாழ்வு நிலையம்

(வள்ளியம்மையார் ஆசிரியைப் பயிற்சிப் பள்ளி எதிர் சந்தில்)

குலசேகரன் பட்டினம்

(வழி) திருச்செந்தூர், தூத்துக்குடி மாவட்டம்.

கட்டணம் ரூ.600/-அறுநூறு மட்டும்.

மேலும் விவரங்களுக்கு தொடர்பு கொள்ள:

திரு Dr. மூ.ஆனையப்பன்,

(இயற்கை நலவாழ்வியல் அறிஞர், ஆலோசகர் மற்றும் பயிற்சியாளர். )

9944042986

இந்த நல்வாய்ப்பை பயன்படுத்திக்

கொள்ள வேண்டுகிறேன்.

அஷ்வின்ஜி, சென்னை

சென்னையில் யோகா பயிற்சி பெற்றிடவும், 

தமிழ்நாடு உடற்பயிற்சி & விளையாட்டு கல்வி 

பல்கலைக்கழகத்தின் 

(University Grants Commission approved) 

சான்றிதழ், டிப்ளமா, பி.ஜி.டிப்ளமா, 

பி.எஸ்சி, எம்.எஸ்சி பட்டப் படிப்புகளைப் 

பற்றிய வழிகாட்டுதல் மற்றும் 

இயற்கை நலவாழ்வியல் 

ஆலோசனைகளைப் பெறவும் 

அணுகுங்கள்.

தொடர்புக்கு:  அஷ்வின்ஜி, 9444171339

Email: ashvinjee@gmail.com

வாழி நலம் சூழ.

13. கனி இருப்ப... (இயற்கை நலவாழ்வியல் சிந்தனைத் தொடர்)

வணக்கம். 

கடந்த பதிவில் அருகம்புல் சாறு பற்றி பார்த்தோம். இந்த பதிவில் நாம் வல்லாரைச் சாறு பற்றி பார்க்கப் போகிறோம். வல்லாரை ஒரு அற்புத மூலிகை. தெய்வீக ஞான மூலிகைகளில் ஒன்று வல்லாரை. மனித உடலின் ஞான பாகம் என்று அழைக்கப்படும் சிரசு (தலை)பகுதியில் அமைந்துள்ள மூளை மற்றும் நரம்பு மண்டலத்தை வலுப்படுத்தும் மூலிகை வல்லாரை ஆகும். கல்வி, ஞானம், அறிவு இவற்றிற்கு தெய்வமாக விளங்கும் கலைவாணியின் பெயரால், சரஸ்வதி மூலிகை என்று அழைக்கப்படும் வல்லாரை இலையின் அமைப்பும், மூளையின் அமைப்பும் ஒரே மாதிரி அமைந்திருக்கும் அதிசயத்தை கீழே உள்ள படங்களில் இருந்து ஒப்பு நோக்கி அறியலாம்.

 வல்லாரை இலை.

மனித மூளை.

பல ஆயிரம் ஆண்டுகளுக்கு முன்பிருந்தே நமது தமிழ் நாட்டின் சித்தர்கள் ஆய்வின் மூலமே வல்லாரை என்னும் இம்மாமருந்து உலகிற்கு அறியப்படுத்தப்பட்டது. வடமொழியில் இந்த மூலிகை பிரம்மி என்று அழைக்கப்படுகிறது. காய கல்ப மூலிகைகளில் வல்லாரையும் ஒன்றாகப் போற்றப்படுகிறது. இன்று வணிக ரீதியாக வல்லாரை கலந்த மருந்து மாத்திரைகள், டானிக்குகள், லேகியங்கள் போன்றவை விற்கப் படுகின்றன. ஆயினும் வல்லாரைச் சாறு அருந்துவதன் மூலம் ஒருவர் நேரடியான பலனை உடனுக்குடன் பெற்றிடலாம்.

இப்படிப்பட்ட ஒரு தெய்வீக ஞான மூலிகையான வல்லாரை இலைச் சாற்றினை தொடர்ந்து உட்கொண்டு வருவதால் ஏற்படும் பயன்களைப் பற்றி திரு.மூ.ஆனையப்பன் அவர்களின் ‘’நோயின்றி வாழ’’ என்னும் கட்டுரையின் அடுத்த பகுதியைக் கீழே காணலாம்.

வல்லாரைச் சாறு.

வல்லாரை தழைகளை பிழிந்து சாறு எடுத்து நீர் சேர்த்து வெறும் வயிற்றில் அருந்தவும்.

வல்லாரை இலைச் சாறு குணப்படுத்தும் நோய்கள்.

1.         நரம்புத் தளர்ச்சி.

2.         நினைவாற்றல் இன்மை.

3.         மூளை வளர்ச்சிக் குறைவு.

4.         வயிற்றுப் புண்

5.         காமாலை.

6.         தொழு நோய்.

7.         வாதம்.

8.         நீரிழிவு.

9.         சளி.

10.      சிறுநீர் அடைப்பு.

11.      மாதவிடாய்க் கோளாறுகள்.

12.      யானைக் கால்

13.      காய்ச்சல்.

14.      இதய பலம் இன்மை.

15.      தாதுக் குறைவு.

16.      காமம் தொடர்பான குறைபாடுகள்/நோய்கள்.

(நல வாழ்வியல் சிந்தனைகள் தொடரும்)

அஷ்வின்ஜி.

வாழி நலம் சூழ. 

நன்றி: இயற்கை நலவாழ்வியல் அறிஞர் திரு. மூ.ஆ. அப்பன், குலசேகரன்பட்டினம். 

12. கனி இருப்ப...இயற்கை நலவாழ்வியல் தொடர் சிந்தனைகள்.

கனி இருப்ப... எனும் இந்த தொடர் கட்டுரையைப் படித்து ஆதரித்து வரும் வலைப் பதிவு அன்பர்களுக்கு என் வணக்கம்.

இயற்கை நலவாழ்வியல் முறைகளை பின்பற்றினால் நோயின்றி வாழலாம். மருத்துவரை அணுகத் தேவையில்லை.மருந்துகள் உண்ணத் தேவையில்லை. பெரும் பொருட்செலவையும், மன உளைச்சலையும் மிச்சப்படுத்தலாம். இயற்கை நலவாழ்வியலைப் பின்பற்ற வயது ஒரு தடை இல்லை. 


இயற்கை நலவாழ்வியல் முறைகளை இளம் வயதில் இருந்தே (அதுவும் குழந்தைப் பருவத்தில் இருந்தே) பின்பற்றினால் கிடைக்கும் பயன்கள் எண்ணற்றவை . 


இளம் யுவர்களும், யுவதிகளும் திருமணத்துக்கு முன்பிருந்தே பின்பற்றினால் இல்லறம் சிறந்து நன்மக்களைப் பெறலாம். இந்த முறையிலான வாழ்க்கையை வாழ்பவர்களின் குழந்தைகள் ஆரோக்கியக் குழந்தைகளாக பிறப்பார்கள். நோயின்றி, அறிவுக் கூர்மையுடன் சிறந்து வாழுவார்கள். 

மெடிகல் இன்சூரன்ஸ் என்றெல்லாம் பணத்தையும் நேரத்தையும் செலவழிப்பதற்கு பதிலாக, இயற்கை நலவாழ்வியல் பயிற்சிகளிலும், அது தொடர்பான புத்தகங்களை வாங்கிப் படிப்பதிலும், இயற்கை நலவாழ்வியல் முறைகளைப் பின்பற்றுவோருடன் இணைந்து செயல்படுதலும் (சத்சங்கம்), தொடர் நடவடிக்கைகளில் ஈடுபடுவதும் "நோயற்ற நலவாழ்வை'" தரும். ப்ரீமியம் செலுத்தாத, மருத்துவமனைக்கு செல்ல வேண்டி இருக்காத, மருந்துகளை அருந்த வேண்டி இருக்காத ஒரு மருத்துவக் காப்பீடு தேவை எனில் அது இயற்கை நலவாழ்வியல் முறை ஒன்றுதான். நல்ல மனம், நல்ல உடல் பெற்றால் தான் நல்ல எண்ணங்கள் தோன்றும், வாழ்க்கை வளமும், நலமும் பெற்றிட அமைதியான ஆனந்த வாழ்வு வாழ்ந்திட இயற்கை நலவாழ்வியலை பின்பற்றுங்கள். 

யோகா பயிற்சிகள், தியானம், பிராணாயாமம், இயற்கை உணவுகளை உண்ணுதல், நலவாழிவியல் பயிற்சிகளை பெறுதல், அது தொடர்பான கல்விகளைக் கற்றல் போன்றவை உங்களை மருத்துவத்தை மறுத்து மகத்துவமாக வாழ வைக்கும். 

இயற்கை நலவாழ்வியல் தொடர் சிந்தனைகளில் தமிழகத்தின் முன்னணி இயற்கை நலவாழ்வியல் அறிஞர் திரு. மூ.ஆனையப்பன் அவர்களின் ''நோயின்றி வாழ.''கட்டுரை தொடருகிறது.

நோயின்றி வாழ.. 

மூ.ஆ.அப்பன்.

இயற்கை மூலிகைகள்:

தினம் காலையில் வெறும் வயிற்றில் கீழ்க் குறிப்பிட்ட மூலிகைச் சாறுகளை ஒருவேளை மட்டும் அருந்தி, இரண்டு மணி நேரம் எந்த திரவ/திட உணவை அருந்தாமல் இருந்தால் நோயின்றி வாழலாம். இந்த வகையில் முதலாவதாக அருகம்புல் சாறு பற்றிப் பார்க்கலாம்.

அருகம்புல் சாறு:

நன்றி: கூகிள் இமேஜஸ் 

அருகம்புல் சாறு குணப்படுத்தும் நோய்கள்:

1. உடல் தளர்ச்சி.
2. நரம்புத் தளர்ச்சி.
3. அமிலத் தன்மை.
4. மலச் சிக்கல்.
5. பல் நோய்.
6. வாய் துர்நாற்றம்.
7. ஆண்மைக் குறைவு.
8. தாய்ப்பால் பற்றாக்குறை.
9. சளி.
10. சர்க்கரை நோய் (அ) நீரிழிவு நோய்.
11. இரத்த அழுத்தம்.
12. ஆஸ்துமா.
13. சொறி, சிரங்கு.
14. வெண்குஷ்டம்.
15. தோல் நோய்கள்.
16. வயிற்றுப் புண்.
17. கொலஸ்ட்ரால்.
18. தூக்கமின்மை.
19. இரத்தப் புற்று நோய்.
20. அனீமியா (அ) இரத்த சோகை.
21. இதயக் கோளாறுகள்.
22. உடலில் தேங்கி உள்ள நச்சு தன்மை ஆகியன.

செய்முறை:

அருகம் புல்லை சுத்தமாக கழுவி, துண்டுகளாக வெட்டி, மிக்சியில் அடித்து சாறு எடுத்து, நீர் சேர்த்து வெறும் வயிற்றில் அருந்தவும்.  

(தொடரும்) 


அஷ்வின்ஜி,
வாழி நலம் சூழ. 
நன்றி : திரு.மூ.ஆ.அப்பன், குலசேகரன்பட்டினம் (திருச்செந்தூர்) தமிழ்நாடு.

11. கனி இருப்ப...இயற்கை நலவாழ்வியல் தொடர் சிந்தனைகள்.

"இந்த உலகத்திலேயே மிகவும் ஆச்சரியமான விஷயம் எது?" என்று தர்மபுத்திரரிடம் யட்சன் கேட்டதற்கு "நாள்தோறும் மக்கள் இறந்துகொண்டிருப்பதைப் பார்த்தாலும், தான் மட்டும் என்றும் அழியாமல் இருப்போம் என்று ஒவ்வொருவனும் நினைப்பது தான் ஆச்சரியமான விஷயம்" என்று தர்மர் விடையளித்ததாக மகாபாரதத்தில் வரும் யக்ஷப் பிரச்னம் என்னும் பகுதி கூறுகிறது.

இந்த ஆச்சரியம் மனிதனின் உடல் நலத்துக்கும் பொருந்தும்.  தனது நலவாழ்வுக்கு சற்றும் பொருந்தா உணவுப் பழக்கங்களை கொண்டிருக்கும் மனிதன், அக்கம் பக்கத்தில் உள்ளவர்கள் பொருந்தா உணவுப் பழக்க வழக்கங்களால் உடல் நலிவுற்று உயிர் இழக்கும்போது கூட தனது நலத்தைப் பற்றி எந்த ஒரு கவலையும் கொள்ளுவதில்லை. 


மேலை நாட்டு கலாச்சாரம், மற்றும் உணவு வியாபாரிகளின் விளம்பர மோகம் போன்றவற்றினால் நமது மக்கள் இயற்கைக்கு மாறான உணவுப் பழக்க வழக்கங்களினால் தனது உயிருக்கு தமக்குத் தாமே கேடு விளைவித்துக் கொண்டிருக்கிறார்கள். 


இன்ன செய்கின்றோம் என்று அறியாமல் இவர்கள் செய்கிறார்கள் என்று இறைத் தூதர் இயேசுநாதர் வருந்திய மன நிலையில் நாம் இவர்களைப் பார்த்து வருந்த வேண்டி உள்ளது.


தமது வாரிசுகளின் எதிர் கால நலத்தைப் பற்றிக் கவலை கொள்ளாமல், ஃபாஸ்ட்ஃபுட்டில் உணவினை தாமும் உண்டு, தம் பிள்ளைகளுக்கும் அதனை பார்சல் செய்து எடுத்துச் செல்கிறார்கள்.  அஜினோ மோட்டோ என்னும் கொடிய மெல்லக் கொல்லும் நச்சு தாம் உண்ணும், உணவினில் கலக்கப்படுகிறது என்பதை அறியாமல் இவர்கள் இருக்கிறார்கள்.


மக்கள் நலம் என்று வாய் கிழியப் பேசும் மத்திய மாநில அரசுகள், மற்றும் அரசியல்வாதிகள் எவரும் எதனையும் கண்டு கொள்வதில்லை. 

"எது மனிதனின் உணவு?" என்ற தமது நலவாழ்வியல் ஆராய்ச்சி நூலில் அமரர் திரு.ம.கி.பாண்டுரங்கனார், சமைத்த உணவை விட பச்சை காய்கறிகள் மேலானவை என்கிறார். பழங்கள் அதைவிட மேலானவை என்று ஆதார பூர்வமாக கூறுகிறார். தேங்காயும் வாழைப்பழமும் மட்டுமே மூன்று வேளை உணவாக இருந்தால் மனிதன் துன்பமில்லா நோயற்ற வாழ்வு வாழலாம் என்று மறுக்க இயலாத விஞ்ஞான பூர்வமான மேற்கோள்களுடன் நிறுவுகிறார் அமரர் ம.கி.பா.

அமரர் ம.கி.பா அவர்களின் பிரதம சீடர்களில் ஒருவரான அமரர் திரு.மூ.ராமகிருஷ்ணன் அவர்களின் தம்பி திரு.மு.ஆ.அப்பன் அவர்களின் இயற்கை நலவாழ்வியல் பற்றிய ''நோயின்றி வாழ'' கட்டுரையின் அடுத்த பகுதி தொடர்கிறது.

நோயின்றி வாழ.. 

மூ.ஆ.அப்பன்.

சமைத்த உணவு.

இயற்கை உணவுக்கு ஒரு வேளை கூட மாற இயலாதவர்கள், சமையல் உணவில் உப்பை படிப்படியாகக் குறைத்து உப்பு (சோடியம் குளோரைடு) அறவே இல்லாத படி உணவு உண்ணப் பழகவேண்டும். உப்பிள்ளது சமைத்துண்டாலே பாதிக்கு மேற்பட்ட நோய்கள் இல்லாது மனிதன் வாழலாம்.  இப்பேருண்மையை அடிப்படியாக வைத்துதான் நாட்டு மருத்துவர்கள், உப்பில்லாப் பத்தியம்த்துடன் நாட்டு மருந்துகளை கொடுத்து நோயைக் குணப்படுத்தினார்கள். உப்பு கொடிது என்பதையறிந்த நம் நுன்னோர்களும் ''உப்பைத் தின்றவன் தண்ணீர் குடிப்பான்; தப்பு செய்தவன் தண்டனை பெறுவான்'' எனும் முதுமொழியை ஏற்படுத்து உள்ளனர்.

அடுத்து வெள்ளைச்சீனி(சர்க்கரை) யையும், செயற்கை இனிப்பு உணவுகளையும் (லட்டு, ஜாங்கிரி, அல்வா, பால்கோவா, சாக்லேட், ஆரஞ்சு மிட்டாய், பிஸ்கோத்து (பேக்கரி வகைகள்), மற்றும் பிற செயற்கை உணவுகளை உண்பதை தவிர்க்க வேண்டும்.

அடுத்து அனைத்து அசைவ உணவுகளையும் தவிர்க்க வேண்டும். குறிப்பாக, கருவாடு முற்றிலும் தவிர்ப்பது இன்றியமையாதது. காபி, டீ, சோடா, ஐஸ்க்ரீம், பாட்டிலில் அடைத்த செயற்கை குளிர்பானங்கள் போன்றவைகளை தவிர்த்தல் முக்கியம்.

சமைத்த தானிய உணவுகளின் அளவை குறைத்து, காய்கறி, கீரைகளின் அளவைக் கூட வேண்டும். சூடான உணவுகளை உண்ணக் கூடாது. சூடான திரவங்களையும் அருந்தக் கூடாது. ஓரளவு சூடு தணிந்த பின்னரே உண்ண வேண்டும்; அருந்த வேண்டும். புளி, காரம் போன்றவற்றை மிகவும் குறைவாக சேர்க்க வேண்டும். எண்ணைப் பலகாரங்கள், எண்ணையில் தயாரித்த உணவுகளை தவிர்க்க வேண்டும். 

அவள், நெல்பொரி, அரிசிப்பொறி, ஆவியில் வெந்த உணவுகள் ஆகியன நெருப்பிலிட்ட உணவுகளாக இருப்பினும் அதிகம் தீங்கு தராதவை. 

அனைத்து நோய்களுக்கும் காரணம் எது?

அனைத்து நோய்களுக்கும் காரணம் மலச் சிக்கல்.

மலச்சிக்கலுக்கு காரணம் எது?

மலச்சிக்கலுக்கு காரணம் சமைத்துண்பதே.

மலச் சிக்கல் தீர வழி.

மலச் சிக்கல் தீர சமைத்துண்பதை விட முடியாதவர்கள் தினம் காலையில் எழுந்ததும் வெறும் வயிற்றில் பச்சைத் தண்ணீர் எவ்வளவு அருந்த இயலுமோ (அதாவது 1.2 லிட்டருக்கு (1200 ml) குறையாமல்) அவ்வளவு அருந்தும் பழக்கத்தினை ஏற்படுத்தினால் மலச்சிக்கல் இராது.

(தொடரும்.)

அடுத்து வருவது இயற்கை மூலிகைகளைப்  பற்றி.

வாழி நலம் சூழ..

அஷ்வின்ஜி.

10. கனி இருப்ப...இயற்கை நலவாழ்வியல் தொடர் சிந்தனைகள்.

இயற்கை நலவாழ்வியல் பற்றிய திரு. மூ.ஆனையப்பன் அவர்களின் ''நோயின்றி வாழ'' கட்டுரையின் அடுத்த பகுதி:-

மனிதன் நோயின்றி வாழ என்ன மாதிரியான உணவுகளைத் தவிர்க்க வேண்டும்?

மனிதன் நோயின்றி வாழ விரும்பினால், சமைத்த செயற்கை உணவுகளான சோறு, இட்டிலி, தோசை, சப்பாத்தி, வடை, ரொட்டி மற்றும் பிற செயற்கை பானங்களான, காப்பி, ஹார்லிக்ஸ், டீ, விவா, சோடா, பாட்டிலில் அடைத்து கடைகளில் விற்கப்படும் அனைத்துவிதமான குளிர் பானங்கள் அனைத்தையும் தவிர்க்க வேண்டும். 

மேற்கண்ட உணவுகள் இன்றைய வாழ்வின் தவிர்க்க முடியாத அங்கங்கள் ஆகி விட்டனவே. பின்னர் என்ன மாதிரியான உணவுகளை சாப்பிடவேண்டும்?

மனிதன் உண்மையிலேயே நோயின்றி வாழ விரும்பினால், அவன் இயற்கை உணவுகளை சாப்பிடவேண்டும். அவையாவன:

1. கொட்டைப் பருப்புகள், பழவகைகள், பச்சைக் காய்கறிகள், முளை விட்ட தானியங்கள் போன்றன.

2. இயற்கை பானங்களான நிலத்தடி நீர் (பாட்டிலில் அடைக்கப்பட்ட நீர் செயற்கை நீர்), இளநீர், ஆரஞ்சு, திராட்சை, எலுமிச்சை முதலியவற்றால் தயாரான வெள்ளைச் சர்க்கரை, எசன்ஸ் போன்ற செயற்கை சுவையூட்டிகள் சேர்க்காத சாறுகள்.

மேற்கண்ட நூறு சதவீத இயற்கை உணவுக்கு மாறுதல் எளிது. பயன்களும் கணக்கற்றவை. நோயின்றி வாழ இவை உதவும்.

முழுமையாக மாற இயலாதவர்கள் ஒரு வேளை (நண்பகல்) சமைத்த உணவை சாப்பிட்டுக் கொண்டு மீதம் இரு வேளைகளிலும் (காலை, இரவு ) மேற்குறிப்பிட்ட வகையில் இயற்கை உணவு வகைகளை உண்டு வரவேண்டும். 

இதுவும் முடியாதவர்கள் சமைத்த சைவ உணவுகளை உண்டு கொண்டு இரவு மட்டுமாவது பழங்கள் நிறைந்த இயற்கை உணவுகளை உண்ணலாம்.

ஏன் சமைத்த உணவு ஆபத்தானது? 


சமைத்த உணவு மட்டுமே சாப்பிடும் பழக்கம் உள்ளவர் நோயின்றி வாழ என்ன செய்ய வேண்டும்?

(தொடரும்)
நன்றி: திரு. மூ.ஆ.அப்பன், இயற்கை நலவாழ்வியல் அறிஞர், குலசேகரன்பட்டினம்(திருச்செந்தூர்), தமிழ்நாடு.


வாழி நலம் சூழ..
தொகுப்பு:
அஷ்வின்ஜி

9. கனி இருப்ப...பெருகமணி இயற்கை நலவாழ்வியல் முகாம்.

அன்பர்களுக்கு வணக்கம்.

சில வாரங்களாக உங்களிடையே தொடர்ந்து வர இயலாமல் போனமைக்கும், உங்களை காக்க வைத்தமைக்கும் என்னை  மன்னியுங்கள்.

உங்கள் ஆதரவு, அன்பு, ஆசிகளுடன் எனது எம்.எஸ்சி (யோகா) தேர்வுகளையும், ப்ராஜெக்ட்களையும், தீசிசையும் வெற்றிகரமாக நிறைவு செய்து விட்டேன். உங்களுக்கு என் இதய நன்றிகளை தெரிவித்துக் கொள்ளுகிறேன்.

இன்னும் நிறைய நலவாழ்வுச் செய்திகளை உங்களிடையே பகிர்ந்து கொள்ள எனது கல்விப் பயணம் உதவி இருக்கிறது. நான் கற்றுக் கொண்டவற்றை வரும் நாட்களில்  உங்களிடையே அவற்றை பகிர்ந்து கொள்வேன்.

தமிழகத்தைச் இயற்கை நலவாழ்வியல் முன்னோடிகளில் மிக மிக முக்கியமாக கருதப்படுபவர்கள் அமரர் பிக்ஷு ஸ்வாமிகள், அமரர் ம.கி.பாண்டுரங்கனார், அமரர்  மூ.ராமகிருஷ்ணன் போன்றோர்கள் ஆவர்.

அவர்களிடம் அணுக்கத் தொண்டர்களாக குருகுலவாசிகளாக இருந்து நலவாழ்வுப் பாடங்களைப் பயின்றவற்றை தற்சமயம் வாழ்ந்து காட்டிக் கொண்டே வழிகாட்டிகளாக செயல்பட்டு வரும் ஆசான்கள் திருவாளர்கள் குலசேகரன்பட்டினம் மூ.ஆனையப்பன் (இவர் சிவசைலம் அமரர் மூ.ராமகிருஷ்ணன் அவர்களின் இளவல்).

சுவாமி நாகலிங்கனார், ஆடுதுறை இர. இராமலிங்கம்,  யோகா ஆசான் தி.ஆ.கிருஷ்ணன், தண்டரைப்பேட்டை ஸ்ரீராமுலு, சென்னை யோகா ஆசிரியர் மற்றும் இயற்கை நலவாழ்வியல் நெறியாளர் அ.மெய்யப்பன்  போன்ற பல ஆசான்களிடம் நேரடியாகப் பாடம் பயில எனக்கு தொடர் வாய்ப்பு கிடைத்து வருவது என் முன்னோர் செய்த நற்பலன்களே காரணம்.

அந்த வகையில் மேலே குறிப்பிட்ட பெரும்பான்மையான முன்னோடிகளிடம் நான் பெருகமணி முகாமில் பயின்றவற்றையும், கடந்த இருபது ஆண்டு காலமாக சேகரித்து வைத்திருக்கும் இயற்கை நலவாழ்வியல் செய்திகளையும் இனி ஒவ்வொரு வாரமும் தவறாமல் உங்களோடு பகிர்ந்து கொள்வேன். 

திரு மூ.ஆ. அப்பன் எழுதிய ''நோயின்றி வாழ'' என்னும் கட்டுரையை இங்கே வெளியிடுவதில் பெருமை கொள்கிறேன்.

நோயின்றி வாழ...

மூ.ஆ.அப்பன்

இயற்கையில் படைக்கப்பட்ட மனிதனைத் தவிர அனைத்து உயிரினங்களும் இயற்கையாக கிடைக்கக் கூடிய உணவுகளை உட்கொண்டு, இயற்கையோடியைந்த வாழ்வு வாழ்வதால், அவ்வுயிரினங்களுக்கு மூளை நோய், கண் நோய், செவி நோய், இதய நோய், சிறுநீரக நோய், தொழு நோய், வாதம், காசம், ஆஸ்துமா, ஆட்கொல்லி புற்று நோய், எயிட்ஸ், எலும்பு முறிவு மற்றும் எவ்வித நோயுமின்றி நரை, திரை, மூப்பு இன்றி உடல், உள  ஆரோக்கியமிகுந்து  வாழ்கின்றன. எடுத்துக் காடாக, பறவைகள் தானியங்களை பச்சையாக உண்கின்றன. விலங்கினங்கள் புல், இலை, தழை 

மற்றும் பச்சைக் காய்கறிகளை உண்கின்றன. மண்புழுக்கள் மண்ணையே உணவாக உண்ணுகிறது.

பரிணாம வளர்ச்சியில் உயிரினங்களில் உயர்ந்த உயிரினமான மனிதனோ, தனக்குரிய இயற்கை உணவாக கொட்டைப் பருப்புகளையும், பழவகைகளையும் உண்ணாமல்,பறவையினங்களின் உணவான  தானியங்களையும்,விலங்கினங்களின் உணவான இலைகளையும்,காய்கறிகளையும், சமைத்து உண்பதால்தான் எண்ணற்ற உடல், உள நோய்களுக்கு ஆளாகி அவதிப்படுகின்றான். மனிதனது எண்ணற்ற நோய்களுக்கு, எண்ணற்ற மருந்துகள், மருத்துவமனைகள்  இருந்தும் அவற்றை முழுமையாக நீக்கி கொள்ள முடியாது, திசை மாறிய பறவையைப் போல மனிதன் திணறுகின்றான்.

இயற்கை உணவு.

ஆப்பிளை விட தேங்காய் மிகவும் உன்னதமான உணவு.

மனிதனுடைய அனைத்து உடல், உள நோய்களுக்கு மட்டுமல்ல, உலகிலுள்ள அனைத்து சிக்கல்களுக்கும் காரணம், சமைத்து உண்ணும் பழக்கம் தான்.எனவே மனிதனின் அனைத்து பிணிகளிலிருந்தும் குணம் பெறவும், பிணிகள் வராமலும், நோயின்றி வாழவும் விரும்பினால் அவன் தனது உணவாக கொட்டைப் பருப்புகள் (தேங்காய், முந்திரி, வால்நட், அக்ரூட், பாதம், பிஸ்தா போன்றவை), பழ வகைகள் (வாழை, மா, பலா, ஆப்பிள், பப்பாளி, சீதா, ஆரஞ்சு, கொய்யா, அன்னாசி மற்றும் இதர பழங்கள்), மற்றும் பச்சையாக உண்ணக் கூடிய காய்கறிகளுடன் கூடிய பழவகைகள், முளை விட்ட தானியங்களுடன் கூடிய பழவகைகள் என இயற்கைக்கு மாறுபாடு இல்லாத உணவு வகைகளை பசித்த போதெல்லாம் உண்டு வாழ முயலுதே உயரிய இயற்கை நெறியாகும்.

எனவே தான் பொய்யாமொழிப் புலவரான திருவள்ளுவரும்,  "மாறுபாடு இல்லாத உண்டி மறுத்துண்ணின் ஊறுபாடு இல்லை உயிர்க்கு" எனவும், "மருந்தென வேண்டாவாம் யாக்கைக்கு அருந்தியது, அற்றது போற்றி உணின்" என்றெல்லாம் மானிடருக்கு இயற்கை ஆரோக்கிய நெறியை உணர்த்தியுள்ளார்.

சமைத்த உணவின் தீமைகள் என்னென்ன? இயற்கை உணவுகளை எவ்வாறு தேர்ந்தெடுத்து உண்பது? என்பதை வருகிற தொடரில் காண்போம்.

(தொடரும்) 

தொடர்ந்து படித்து, பின்னூட்டம் தந்து வரும் அன்பர்களுக்கு என் இதய நன்றி.

அஷ்வின்ஜி.
வாழி நலம் சூழ...

உணவு பசிக்கா? ருசிக்கா?

நாம் உண்ணும் உணவு எப்படி இருக்க வேண்டும். ?

காஞ்சி பரமாச்சாரியார் அருளியவை.

• சாப்பாடு நம் உடலை மட்டுமின்றி உள்ளத்தையும் வளர்ப்பதாக இருப்பதால் நாம் திட்டமிட்டு அன்றாடச் சாப்பாட்டை கவனமாக அமைத்துக் கொள்ளவேண்டும். நல்ல உணவுகளை மட்டுமே உண்ண வேண்டும். 

• மரக்கறி (சைவ) உணவின் சிறப்பு என்னவென்றால் அது நமக்கு சாந்த குணத்தை தருகிறது.

• மரக்கறி (சைவ) உணவிலும் கூட காரம், புளிப்பு முதலியன ராட்சஷ உணர்வைத் தூண்டிவிடக் கூடியவை. பழைய ஆறின உணவு வகைகள் தாம்ச (சோம்பல்) குணத்தை வளர்ப்பவை. பூண்டு, வெங்காயம், முள்ளங்கி, முருங்கை போன்ற உணவுகள் சத்வ குணத்துக்குவிரோதமானவை. இவற்றை தவிர்ப்பது நல்லது.

• ருசிக்காக சாப்பிடும்போது தான் அளவுக்கு அதிகமாக உண்ண வேண்டி வருகிறது. பசி என்ற ஒன்றை நினைவில் நிறுத்தி உண்ணத் தொடங்கினால் சாப்பிடும் அளவில் நிதானத்தைக் கடைபிடிக்கலாம். அஜீரணம், மனதில் அசுத்தம் போன்றவற்றை வரவழைத்துக் கொள்ளாமல் இருப்போம். 

• அரைவயிற்றுக்குச் சாப்பிடுங்கள். கால் வயிற்றில் தண்ணீரை நிரப்புங்கள். கால் வயிறு காலியாக இருக்கட்டும். இதையே வைத்திய சாஸ்திரம், தர்ம சாஸ்திரங்கள் எல்லாம் வலியுறுத்திச் சொல்கின்றன.

நன்றி தினமலர்: மார்ச் 27, 2009